Napoli ka triumfuar me rezultat të thellë 6 – 0 ndaj Genoa-s, në kuadër të xhiros së dytë të Seria A.

“Napolitanët” shënuan vetëm një herë në pjesën e parë, kurse pesë herët gjatë 45-minutëshit të dytë, shkruan portali arbresh.info.

Hirving Lozano në minutën e 10-të pas asistimit së Mertens, realizoi për t’i zhbllokuar shifrat, rezultat me të cilin dy skuadrat shkuan në pushime.

Gjatë pjesës së dytë, nga pasimi i Osimhen përfitoi Zielinski që dyfishoi shifrat.

Golin e tretë për vendasit e shënoi Mertens me super gjuajtje (57′), kurse pas tetë minutave ishte përsëri Lozano që shënoi golin e dytë personal dhe të katërtin për Napoli-n.

Në minutën e 69-të Hysaj asistoi për Elmas, që dribloi një lojtar dhe shënoi gol të bukur, derisa goditjen finale e dha Politano në minutën e 72-të.

Pas kësaj fitore të thellë, Napoli qëndron në kreun e Seria A me gjashtë pikë, derisa Genoa në pozitën e 11-të me tri pikë./arbresh.info.